Olggos rámain – Risto Vilhunen

Olggos rámain – Risto Vilhunen ovdanbuktá vantaalaš govvadáiddár Risto Vilhunen viiddis eallinbarggu dáiddárin. Čájáhus lea oaidninláhkái 17.6. - 22.8.2021 ja dat lea čohkkejuvvon Vantaa dáiddamusea čoakkáldagas.

Risto Vilhunen (r. 1945) karrieara álggii 1960-logus, goas son bođii dovddusin ivdnái popdáiddadujiin, mat biđgejedje ráma hámi. 1970-logus Vilhunen ovdánii popdáidagis realisttalaš duovdagiid málemii. Maŋŋeleappos son vuođđudii govvabázzepárkka iežas viessosadjái Vantaa Sotunkii ja geavahišgođii dáiddárnama Leonardo da Vilhu.

Olggos rámain -čájáhus lea čađačuohpus Risto Vilhunen máŋggabealat ja viiddis bargui. Čájáhus ovdanbuktá Vilhunen dáiddadujiid su karrieara sierra áigodagain, álo gitta 1960-logu Dáiddaakademiija áigásaš dujiin 2000-logu dujiid rádjai. Retrospektiivvalaš čájáhus lea čohkkejuvvon Vantaa dáiddamusea Risto Vilhunen -čoakkáldagas, man dáiddár skeŋkii Vantaa gávpogii jagis 2009. Čoakkáldat sisdoallá oktiibuot badjel 6000 duoji, earret eará málagovaid, grafihka, kollášaid ja sárgosiid ja sárggastagaid. Čoakkáldatduojit leat vuosttaš háve oaidninláhkái dán viidodagas. Čájáhus ovdanbuktá maiddái dujiid, mat leat leamaš hárve oaidninláhkái. Čájáhusa oktavuođas almmustahtto viiddis čoakkáldatpublikašuvdna.

Artsi čájáhus ovdanbuktá Vilhunen máŋggabealat ja aktiiva dáiddárin, gean dáiddadujiid steampalastá nannosit rájehisvuohta ja geardduheami jurdda. Vilhunen ii leat háliidan addit mange dáiddastiilla dahje teknihka ráddjet su. Son lea lonohallan stiillaid ja teknihkaid. Dávjá son lea máhccan seamma temáide ođđasit ja ođđasit. Dáiddár gávdná inspirašuvnna iežas birrasis ja dáiddahistorjjás.

Olámuttos leahkin >