Čoakkáldagat
Etusivu > Musea birra > Čoakkáldagat
Vantaalaččaid dáiddačoakkáldat
Reijo Hukkanen govvabázzi Vaikku (1991), seaidnái heŋgejuvvon bealji hápmásaš govvabázzi lea oaidninláhkái Pakkala oahppan- ja informašuvdnadállu Pointis. Govva Museagovva.
Artsi lea Vantaa iežas dáiddamusea ja dan badjel 10 000 dáiddaduoji čoakkáldat oidno miehtá gávpoga. Gávpoga dáiddačoakkáldahkii gullevaš dujiid sáhttá Artsi lassin oaidnit ovdamearkka dihte gávpotdálus Tikkurilas, Clarion-hoteallas Aviapolisis ja girjerájuin, skuvllain, beaiveruovttuin, buohcceviesuin ja boarrásiidsiiddain. Čoakkáldatdujiid sáhttá oaidnit maiddái erenomáš báikkiin, dego Myyrmäki vuojadansáles.
Artsi čoakkáldagas deattuhuvvo suopmelaš ja riikkaidgaskasaš dáládáidda, ja čoakkáldagaid ruohttasat ollejit álo gitta jahkái 1961. Jagis 2016 Artsi čoakkáldagaide lea skáhppojuvvon lassin gáhta-, graffiti- ja performansadáidda. Maiddái almmolaš dáiddaduojit leat oassi gávpoga dáiddačoakkáldaga.
Čoakkáldagat sisdollet maiddái viiddis Risto Vilhunen-, Pentti Kaskipuro- ja Lauri Santtu-čoakkáldagaid, mat ovdanbuktet Vantaas váikkuhan dáiddáriid eallinbarggu. Dáiddagrafihkar, sárgojeaddji, professor Lauri Santtu (1902–1986) kulturhistorjjálaččat mearkkašahtti grafihkka- ja sárgunčoakkáldahkii gullá badjel 3000 duoji. Professor (1930–2010) Pentti Kaskipuro barggu ovdanbukti čoakkáldat sisdoallá badjel 200 grafihkkabláđi ja sárgosa. Vantaalaš govvadáiddár, dáiddačoaggi, “Sotunki iežas fursta” Risto Vilhunen (1945–) skeŋkii jagis 2009 Vantaa gávpogii mearkkašahtti čoakkáldaga, mii sisdoalai su iežas sárgosiid, kollášaid ja eará dujiid.
Artsi čoakkáldagain sáhtát lohkat lasi dáiddamusea čoakkáldatprográmmas (suomagillii).