Nuppástus(at)

Nuppástus(at) 27.4.–28.8.2022                  

Jorggáldat, hápmenuppástus, doajáhat, oktiisuddan.

Čájáhusa vuolggasadjin lea jurdda das, ahte máilbmi ii biso sadjosis fal rievdá duojážassii. Maiddái olbmo vuogádagain ja jurddašanvugiin riegáda oppa áigge juoidá ođđa, go mii reageret birastahtti máilbmái. Mii bidjat áššiid gažaldatvuložin, ovddidit daid, hilgut daid dahje vajáldahttit daid.

Nuppástus ii goittotge álo dáhpáhuva álkit dahje orgánalaččat. Dávjá nuppástussii laktásit kriissat dahje bákčasat. Proseassa sáhttá álgit olgguldas áššis dahje olbmo siskkáldas šaddamis. Vaikko proseassa loahppabohtosa lea váttis ávaštallat dahje einnostit, dáidaga bokte proseassa ja dan vejolaš loahppabohtosiid sáhttá goittotge gieđahallat ja rahpat.

Jurddašanvuogit, dábit ja árvvut stivrejit olbmo láhttema. Danin nuppástusat ráhkadusain ja vuogádagain leat nannosit čatnasan daidda. Nuppástus lea vejolaš, go mii duostat vuostáiváldit ođđa ja earálágán áššiid. Čájáhusas nuppástus čalmmustahtto luonddu, dálkkádatrievdama, politihka ja servodatlaš ráhkadusaid, olmmošvuođa historjjá ja boahtteáiggi ja hápmenuppástusa bokte.

Čájáhusa dáiddárat leat Aleksanteri Ahola-Valo, Anna Estarriola, Corinna Helenelund, Linnea Mettälä, Pekka Pitkänen, Problem Collective, Mykola Ridnyi, Samra Šabanović ja Sheung Yiu, Brynhildur Thorgeirsdottir ja Ilkka Virtanen.

Čájáhusas lea mielde maiddái The Temporary Bookshelf.