Lávkkit gávpogis

Lávkkit gávpogis
2.4.2025 - 31.8.2025

Mii gidde du fuomášumi gávpogis?

Lávkkit gávpogis -čájáhus dutká gávpoga gearddalašvuođa. Čájáhus guorahallá dan, mo govvadáidda gieđahallá gávpoga fysalaš, kultuvrralaš ja visuálalaš huksemii laktáseaddji gažaldagaid.

Dáládáidagis dáiddáriid áiccadan ja dáidagisttiset gieđahallon gávpot lea molsašuvvan konkrehtalaš ovdanbuktimis gávpotgova ja -dili guorahallamii iešguđet geahččanguovlluin. Čájáhusa dáiddaduojit dutket gáhttadillái hápmašuvvi kultuvrralaš mearkkašumiid ja visuálalašvuođa.

Gáhttadáidda ja earenoamážit graffiti leat lokten ságastallamii almmolaš dili ja dáidaga rolla gávpotbirrasis. Graffitiid vuolitkultuvra ja visuálalašvuohta leat váikkuhan maiddái dáládáidagii.

Dáiddaduojit, mat leat oaidnin láhkai, lahkonit gávpotbirrasa maiddái válddis muitaleaddji dillin ja válddi geavaheami báikin. Dán lassin čájáhus suokkardallá gávpotbirrasii laktáseaddji vásáhusaid dorvvolašvuođas ja dorvvuhisvuođas.

Vantaa dáiddamusea čoakkáldatdáiddárat rahpet iežaset dáiddadujiin iešguđetlágan geahččanguovlluid čájáhusa temái. Dasa lassin fárrui leat bovdejuvvon dáiddárat Taija Goldblatt, Leena Lehti, Otto Karvonen ja Kim Somervuori.

Dáiddamusea Artsi bovdejumis čájáhusas lea mielde maiddái Mimmit peinttaa, mii doaibmá dorvvolaš ja dásseárvosaš gávpotkultuvrra bealis ja man spesiálasuorgin lea gáhttadáidda. Bargojoavkku dáiddárat Ruusa ja Viv Magia gárvvistit ovttas vantaalaš olbmuiguin searvvušlaš dáiddaduoji, mii gárvána bargobájiin muttuid mielde oassin čájáhusa.

Čájáhusa dáiddárat:
Stig Baumgartner, BOING, Riitta Gartz, Taija Goldblatt, Olli Haikonen, Kari Juutilainen, Pekka Jylhä, Leena Lehti, Liisa Lounila, Otto Karvonen, Sami Korkiakoski, Kristian Krokfors, Sakari Marila, Kari Pärssinen, Silja Rantanen, Pekka Rytkönen, Pekka Ryynänen, Maiju Salmenkivi, Kim Somervuori, Trama, Jenni Yppärilä, Mimmit peinttaa -bargojoavkkus Ruusa ja Viv Magia